СЫАЛ-СОРУК

 

"Сахалыы Ситим" - общественнай түмсүү
саха культуратын, историятын уонна тылын интернет ситимигэр өйөөһүн

Түмсүү тэрээһинэ: түмсүү сыалын-соругун өйүүр активистар, наука, культура, бизнес бэрэстэбиитэллэрэ.

Түмсүү сыала: саҥа информационнай технология, көрдөрөр-иһитиннэрэр өҥө көмөтүнэн Саха культуратын, тылын-өһүн бары өттүнэн өйүүр, сайыннарар, саха историятын сырдатар уонна үөрэтэр сыаллаах-соруктаах тэриллибитэ. Түмсүү бу сыалын ситиһэригэр атын омук культурнай баайыгар убаастабыллаах сыһыаны тутуһар.

Түмсүү соруга:

1. Саха тылын сайыннарыы

1.1 Сахалыы-нууччалыы, нууччалыы-сахалыы online-тылдьыт.
1.2 Оҕолорго уонна Саха тылын саҥа үөрэтиэн баҕалаахтарга анаан компьютернай оонньууну оҥоруу.
1.3 Техническэй өйөбүл – сахалыы шрифтары оҥоруу, компьютер программаларынан хааччыйыы
1.4 Тыа сириттэн көһөн кэлбит Дьокуускай олохтоохторун уонна аҕа саастаах дьону интернетинэн туһанарга үөрэтии, туһааннаах үөрэтэр курстары тэрийии.
1.5 Интернеккэ саха тылынан кэпсэтэр сири тэрийии: чаат, форумнар, араас викторина, интернеккэ оонньуулар.

2. Саха национальнай культуратын уонна литературатын Интернет ситимигэр таһаарыы:
2.1 Саха культуратын уонна литературатын туһунан сайтары аһыы
2.1.1 Аан дойду культуратын сүдү айымньыта – Олоҥхо сайтын арыйыы.
2.1.2 Саха литературатын Интернет-библиотекатын арыйыы: А.Е.Кулаковскай, П.А.Ойунскай, Серошевскай; Ксенофонтов, Далан уонна да атын суруйааччылар, учуонайдар айымньыларын таһаарыы.
2.1.3 Саха художниктарын, скульптордарын, архитектордарын, уустарын уонна фотографтарын үлэлэрин сырдатыы, компакт-диск таһаарыы.
2.1.4 Сахалыы музыка порталын арыйыы
2.1.5 Сахалыы тылынан тахсыбыт радио уонна телевидение биэриилээрин электроннай архыыбын оноруу
2.2 Айымньы бэчээккэ тахсарыгар көмө, кинигэ кыһаларын кытары улэ, сана талааннаах суруйааччылары уонна поэттары булан, кинилэри өйөөһүн.

3. Саха историятын үөрэтии уонна сырдатыы
3.1 Саха Сирин историятын туһунан портал.

4. Норуоттар икки ардыларынааҕы сыһыаны сайыннарыы.
4.1 Национальнай общиналары кытары культурнай сибээһи олохтооһун, сайыннарыы, общественнай түмсүүлэри кытары үлэ
4.2 Интернет эйгэтигэр норуоттар икки ардыларыгар национальнай өстүйүү, куһаҕан сыһыаны күөртээһин тубэлтэлэрин общественнай мониторина.

5. Государственнай былааһы, общественнай түмсүүлэри, коммерчэскэй тэрилтэлэри уонна көрдөрөр иһитиннэрэр өҥөлөрү кытары ыкса үлэ.